1.  ປະຕິບັດລັດຖະທໍາມະນູນ, ກົດໝາຍ, ມະຕິຂອງສະພາແຫ່ງຊາດ, ລັດຖະບັນຍັດ ຂອງປະທານປະເທດ, ດໍາລັດ, ມະຕິ, ຄໍາສັ່ງ ຂອງລັດຖະບານ ແລະ ນາຍົກລັດຖະມົນຕີ ວາງອອກຢ່າງເຂັ້ມງວດ;

2.   ຄົ້ນຄວ້າ-ສັງລວມ ສະພາບ, ທ່າແຮງ ແລະ ເງື່ອນໄຂຄວາມສາມາດຕົວຈິງ ດ້ານເສດຖະກິດ, ການຄ້າ, ການລົງທຶນ, ວິທະຍາສາດ-ເຕັກນິກ ແລະ ອື່ນໆ ຂອງສອງຝ່າຍ ເພື່ອເປັນຂໍ້ມູນໃນການກໍານົດທິດທາງໃຫ້ສອດຄ່ອງກັບແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມ ຂອງ ສປປ ລາວ ແຕ່ລະໄລຍະ;

3.   ຄົ້ນຄວ້າແຜນຍຸດທະຍາດການຄຸ້ມຄອງ ດ້ານການປົກຄອງ ປ້ອງກັນຊາດ ແລະ ປ້ອງກັນຄວາມສະຫງົບ ໂດຍໃຫ້ສອດຄ່ອງກັບແນວທາງນະໂຍບາຍປ້ອງກັນຊາດ-ປ້ອງກັນຄວາມສະຫງົບຂອງພັກ ແລະ ລະບຽບກົດໝາຍຂອງລັດຖະບານ ແຫ່ງ ສປປ ລາວ;

4.   ຄົ້ນຄວ້າສ້າງແຜນການເຄື່ອນໄຫວ, ກົນໄກການຄຸ້ມຄອງ ແລະ ຈັດຕັ້ງປະຕິບັດວຽກງານແຮງງານໂດຍໃຫ້ສອດ ຄ່ອງກັບແນວທາງນະໂຍບາຍຄຸ້ມຄອງແຮງງານ, ຖືກຕ້ອງຕາມກົດໝາຍ ແລະ ລະບຽບການແຕ່ລະໄລຍະ;

5.   ຄົ້ນຄວ້າ, ສ້າງແຜນການ, ໂຄງການ ແລະ ປະຕິບັດວຽກງານຄຸ້ມຄອງຄຸ້ມຄອງພົນລະເມືອງ ພາຍໃນເຂດເສດ ຖະກິດພິເສດສາມຫຼ່ຽມຄໍາ ໃຫ້ມີຄວາມສະດວກ, ວ່ອງໄວ, ປະສິດທິພາບ ແລະ ມີປະສິດທິຜົນສອດຄ່ອງກັບລະບຽບການ ຂອງ ສປປ ລາວ;

6.   ຄົ້ນຄວ້າ, ກຳນົດຫຼັກການ, ລະບຽບການ ກ່ຽວກັບການຄຸ້ມຄອງທີ່ດິນ, ການນໍາໃຊ້ທີ່ດິນ, ການຄຸ້ມຄອງສິ່ງແວດລ້ອມ, ການຕິດຕາມກວດກາ ການຈັດຕັ້ງປະຕິບັດແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມ ຂອງບັນດາກິດຈະການຕ່າງໆ ພ້ອມທັງຊຸກຍູ້ການປະຕິບັດພັນທະທາງດ້ານສິ່ງແວດລ້ອມ ແລະ ສັງຄົມ ທີ່ຕິດພັນກັບບັນຫາມົນລະພິດ ພາຍໃນເຂດເສດຖະກິດພິເສດສາມຫຼ່ຽມຄໍາ; 

7.   ເຜີຍແຜ່, ແນະນໍາບຸກຄົນ, ນິຕິບຸກຄົນ ແລະ ການຈັດຕັ້ງປະຕິບັດກ່ຽວກັບວຽກງານສ່ວຍສາອາກອນຢູ່ພາຍໃນເຂດເສດຖະກິດພິເສດສາມຫຼ່ຽມຄໍາ ຕາມກົດໝາຍ ແລະ ລະບຽບການໃນຂອບເຂດຄວາມຮັບຜິດຊອບ ຂອງວຽກງານສ່ວຍສາອາກອນ;

8.   ຄົ້ນຄວ້າ, ຕິດຕາມ ແລະ ກວດກາ ການປະຕິບັດຫຼັກການ ແລະ ລະບຽບການ ກ່ຽວກັບການຄຸ້ມຄອງວຽກງານທະບຽນ, ໃບອະນຸຍາດດໍາເນີນທຸລະກິດ ແລະ ອື່ນໆ ພາຍໃນເຂດເສດຖະກິດພິເສດສາມຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ;

9.   ຄົ້ນຄວ້າ, ຕິດຕາມ, ກວດກາການປະຕິບັດຫຼັກການ ແລະ ລະບຽບການ ຄຸ້ມຄອງວຽກງານໂທລະຄົມມະນາຄົມ, ອິນເຕີເນັດ, ຄວາມປອດໄພໄຊເບີ, ຄື້ນຄວາມຖີ່ວິທະຍຸສື່ສານ ແລະ ໄປສະນີ ພາຍໃນເຂດເສດຖະກິດພິເສດສາມຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ;

10.  ຄົ້ນຄວ້າ, ຕິດຕາມ, ກວດກາການປະຕິບັດຫຼັກການ ແລະ ລະບຽບການ ກ່ຽວກັບການເຄື່ອນໄຫວວຽກງານ ການຈໍລະຈອນທາງນໍ້່່າ, ທາງອາກາດ, ສະໝາມບິນ, ຂົນສົ່ງ, ເຄຫາຜັງເມືອງ ແລະ ຂົວ-ທາງ ພາຍໃນເຂດເສດຖະກິດພິເສດສາມຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງຕາມກົດໝາຍ ແລະ ລະບຽບການ;

11.  ຄົ້ນຄວ້າ, ຕິດຕາມ, ກວດກາການປະຕິບັດຫຼັກການ ແລະ ລະບຽບການ ຄຸ້ມຄອງວຽກງານການສຶກສາ, ໃບອະນຸຍາດດໍາເນີນທຸລະກິດກ່ຽວກັບການຮຽນ-ການສອນ ພາຍໃນເຂດເສດຖະກິດພິເສດສາມຫຼ່ຽມຄໍາໃຫ້ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ;

12.  ຄົ້ນຄວ້າ, ຕິດຕາມ, ກວດກາການປະຕິບັດຫຼັກການ ແລະ ລະບຽບການ ຄຸ້ມຄອງວຽກງານສາທາລະນະສຸກ ພາຍໃນເຂດເສດຖະກິດພິເສດສາມຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງກັບກົດ   ໝາຍ ແລະ ລະບຽບການ;

13.  ຄົ້ນຄວ້າ, ຕິດຕາມ, ກວດກາການ ການຈັດຕັ້ງປະຕິບັດວຽກງານຄຸ້ມຄອງວຽກງານຂ່າວສານ, ວຽກງານວັດທະນະທໍາ ແລະ ວຽກງານທ່ອງທ່ຽວ ພາຍໃນເຂດເສດຖະກິດພິເສດສາມຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງກັບ ກົດໝາຍ ແລະ ລະບຽບການ;

14.  ຕິດຕາມ, ກວດກາ ການເຂົ້າ-ອອກ ຂອງຄົນຕ່າງປະເທດ, ຄົນຕ່າງດ້າວ, ຄົນບໍ່ມີສັນຊາດ ແລະ ປະສານງານກັບກະຊວງປ້ອງກັນຄວາມສະຫງົບ ໃນການຕິດຕາມ, ກວດກາ ການຄຸ້ມຄອງຄົນຕ່າງປະເທດ, ຄົນຕ່າງດ້າວ, ຄົນບໍ່ມີ ສັນຊາດ ພາຍໃນເຂດເສດຖະກິດພິເສດສາມຫຼຽ່ມຄໍາ ໃຫ້ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ;

15.  ຕິດຕາມ, ກວດກາການຈັດຕັ້ງປະຕິບັດວຽກງານຍຸຕິທໍາ, ການແກ້ໄຂຂໍ້ຂັດແຍ່ງທາງດ້ານເສດຖະກິດ ພາຍໃນເຂດເສດຖະກິດພິເສດສາມຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງກັບກົດ        ໝາຍ ແລະ ລະບຽບການ;

16.  ຕິດຕາມ, ກວດກາ ການຈັດຕັ້ງປະຕິບັດວຽກງານກະສິກໍາ ແລະ ປ່າໄມ້ ພາຍໃນເຂດເສດຖະກິດພິເສດສາມ ຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ;

17.  ຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດວຽກງານຄຸ້ມຄອງເງິນຕາຕ່າງປະເທດ, ການຄຸ້ມຄອງສະຖາບັນການເງິນ ແລະ ການຄຸ້ມຄອງລະບົບການຊໍາລະໃນເຂດເສດຖະກິດພິເສດສາມຫຼ່ຽມຄໍາ ໃຫ້ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ;

18.  ປັບປຸງ, ຕິດຕາມ, ກວດກາກົງຈັກການຈັດຕັ້ງ ແລະ ການກໍານົດຕໍາແໜ່ງງານຂອງຕົນ;

19.  ປະຕິບັດໜ້າທີ່ອື່ນໆ ຕາມການມອບໝາຍຂອງຂັ້ນເທິງ.

1. ຄົ້ນຄວ້າກ່ຽວກັບທິດທາງ, ນະໂຍບາຍ ແລະ ແຜນການຮ່ວມມືດ້ານເສດຖະກິດ, ການຄ້າ, ການລົງທຶນ ແລະ ເຕັກນິກການຮ່ວມືກັບຄູ່ຮ່ວມພັດທະນາ ເພື່ອສະເໜີລັດຖະບານພິລະນາ;

2. ພົວພັນ, ປຶກສາຫາລື, ເຈລະຈາ ແລະ ປະສານສົບທົບກັບບັນດາຂະແໜງການທີ່ກ່ຽວຂ້ອງ ເພື່ອອໍານວຍຄວາມສະດວກ ແລະ ແກ້ໄຂບັນຫາຕ່າງໆທີ່ເກີດຂຶ້ນພາຍໃນເຂດເສດຖະກິດພິເສດສາມຫຼ່ຽມຄໍາ;

3. ຊີ້ນໍາທຸກຫ້ອງການທີ່ສັງກັດຢູ່ເຂດເສດຖະກິດພິເສດສາມຫຼ່ຽມຄໍາ ເພື່ອໃຫ້ປະຕິບັດສິດ ແລະ ໜ້າທີ່ຂອງຕົນຢ່າງຮອບດ້ານ;

4. ບັນຈຸ, ຈັດວາງ, ສັບຊ້ອນ, ແຕ່ງຕັ້ງ, ຍົກຍ້າຍ, ປະຕິບັດນະໂຍບາຍ ແລະ ລົງວິໄນ ພະນັກງານ-ລັດຖະກອນ ຕາມການແບ່ງຂັ້ນຄຸ້ມຄອງ;

5. ປະຕິບັດສິດອື່ນໆຕາມລະບຽບການ ແລະ ຕາມການມອບໝາຍຂອງຂັ້ນເທີງ.